23 01 2024 dyalòg nan telefòn avèk Olès

• Tout timoun yo byen. Genyen yonn nan moun k’ap travay yo ki malad depi plis ke yon mwa. Olès te bezwen yon trètman pou yonn nan je li yo, men li te oblije repòte randevou a paske sitiyasyon an nan peyi a vin pi dejere toujou.
• Man Olès ak Yanskian yo menm tou yo esplike kòman yo ye.
• Sitiyasyon an nan peyi a vin pi mal de jou an jou. Kidnapin nan ap miltipliye. Nan Sen Michèl li difisil pou deplase. Nan chak zòn yo, revòlte yo ap atake bandi yo, ni otorite lokal yo tou.
• Nan sa konsène kat timoun yo ki pa ale lekòl yo, Berlandine se li ki pi fò. Se sa Yanskian ak Junior konstate. Sondy travay byen li menm tou. Jean-Ebel ak Wilkervins yo menm yo enpe dèyè toujou.
• Nou poko jwenn kanè pou egzamen Nwèl la. Men nou konnen ke Judeline fè mwayèn 5 epi Islande mwayèn 6 ak Jef mwayèn 4. Nòmalman nou dwe resevwa tout kanè yo vandredi pwochen.
• Olès poko peye lekòl yo. Li mande m’ pou m’ ka fè transfè lajan pou sa.
• Rekòt pwa kongo a pral kòmanse pa twò lwen la. Se byen, paske nan mache a li koute chè anpil.
• Nan mwa Mas ak Avril, fòk nou kòmanse ap panse pou pwochen sezon agrikòl la.
• Pou kounye a nou gen 7 chen, pi devan l’ap 9. Te gen yon tan pandan plizyè ane nou te genyen yon bon kantite. Aprè nou te vin pa genyen pandan yon bon bout tan. Men ensekirite a te oblije nou, pou nou genyen kèk grenn ankò. Se nan manje sitou y’ap koute chè. Paske yo manje tankou bèf.
• Nou poko genyen pandri pou chanm yo nan Sen Jozèf. Nou espere ke kondisyon transpò yo pèmèt nou jwenn materyo yo nan yon ti tan ki pa two lwen.
• Pòt yo nan Sent-Àn gen pou yo monte. Fòs pèdi a gen pou l’ fouye epi twalèt ak douch yo gen pou yo enstale. Apre sa Yanskian ap kapab al abite nan premye etaj la, konsa batiman an ap plis pwoteje.
• Olès mande pou nou ta enstale yon kloti nan tout espas kote nou abite a.
• N’ap antre yon nouvo branch tiyo ki pral bay plis dlo ke jan li te konn koule déjà.
• Tout medikaman nou te genyen yo fini. Doktè Manno pi jèn gason Olès la, ap prepare yon lis de tout sa ke n’ap gen bezwen.
• Yo pwopoze nou yon machin dezyèm men pou 30.000 dola us. Yonn ki tou nèf ap koute twa fwa plis. Malerezman nou pa gen bidjè pou nou ta achte li.
• Depi ta gen posiblite pou voye machandiz, Olès ta renmen pou nou ta voye yon kabann lopital pou enfimri a.
• Yonn nan ponp pou rale dlo nou konn itilize pa twò souvan ap bay ratman. Nou pral jere sa.

11 12 10 2023 What’s App Olès

Mwen fè kòmand poul yo. Pè-a koute 1500 goud. Se agwonòm kap ede nou nan jaden kap pote yo pou nou demen dye vle. Mw tou bay poul achte 4 sak manje a 6500 goud pri yon sak  pou yo tou

10 12 2023 What’s App Olès

Nan yon mesaj mwen te voye 28 septann pase.  Mwen di nou gen dèt 140 000 goud pou Maçon se sou materyo mwen te achte pou travay ti teras yo, Kalaj paske devi sa yo te fèt jèn ane pase. Nou pat refè yo. Plis 115 000 goud pou William ki te achte tout bagay pou douch yo pou nou ak kòb pal.

06 12 2023 What’s App Olès

Map degaje pou jwenn valè montan ou voye-a poun kòmanse travay touswit. Paske ensekirite-a toujou red nan peyi-a. Patou nan peyi-a nèg ak zam ap mache gwo jounen san krent lapolis. Depim kòmanse map fèw konnen.

27 11 2023 What’s App Olès

Nou agrandi jaden an  rive dèyè Sen Franswa. Pat gen devi pou jaden legim. Men map note tout depans yo pou fakti-a. Pou lòt jaden-an. Map prepare fakti-a apre rekòt yo.

25 11 2023 What’s App Olès

Sa se pwawo yap simen. Deja o mwen 8 kalite semans ki simen. Deluxon ap tou pwofite fè pratik ak agwonòn nan.

21 11 2023 What’s App Yanskian – verslag les aan de vier die niet naar school kunnen.

Atelye travay ak timoun yo ki poko ale lekòl. Pafwa yo desine. Berlandine gentan konn kenbe kreyon li byen. Yo kapab idantifye pati deyò nan kò yo an fransè ak kreyòl. Yon pwogram telechaje sou entènèt la ap pèmèt nou byen avanse ak yo.

21 11 2023 What’s App Olès

Nou jwenn anpil lapli sitou senmenn ki sot pase a. Prèske tout semèn lan lapli 24/24 San solèy. Se yè solèy la rekòmanse. Anpil kote nan peyi-a  gen gwo inondasyon. Sitou nan sid. Lapli sa yo bon anpli pou diri nou kap donnen.

13 11 2023 What’s App Olès

Mwen kòmanse fè prepare tè pou nou fè legim. Gen yon agwonòm ki vin travay pou William nan plante pye bwa. William bay responbilite pou eden nan sa. Li deja achte plizyè kalite semans . William kap peye agwonòm lan ak achte semans yo. A pre sa pou tout lòt sèvis yo se mw pap peye yo. Nou kòmanse kote nou te plane chou tou prè chanm papi Frans lan pou rive kote poulaye-a.

12 11 2023 What’s App Olès

Se premye pi nou genye a kote Sen Jozèf. Kom nou pwoblèm dlo souvan. Mwen te mande mesye sa, poul vin netwayel ak pou ogmante pwofondè a pou mwen.  Metye li se fouye pi. Li te desann nan pi a. Malerezman li enposib paske pi a bimen ekaji plis pase 2 mèt anba nan lajè. Sa vin prezante yon danje pou kay Sen Jozèf paske se nan direksyonl bimen an ap vanse. Pou sa li banm garanti li ka fouye yon pi pou nou, pou nou pa janm manke dlo. Li teste kote nap jwenn dlo. Konsa nap ka jwenn tè kap soti nan nouvo a pou nou bouche ansyen an rapid pou anpechel kontinye bimen. Dlo leta pa regilye se yon fwa pa semèn e li pa antre ak presyon nan ofelina paske vin gen anpil moun nan zòn lan ki pran priz. Rezèvwa Sen An te fini, se achte mweb te achte 2 sitèn dlo ak yon kamyonèt mete nan rezèvwa Sen An.

24 10 2023 What’s App Olès

Ou sonje ti non zo a ? Semèn pase-a. Zo ak Josué te pase wè nou nan Ofelina. Yo te depòte yo depi anvan pwoblèm yo. Yap viv Katye Moren.

19 10 2023 What’s App Yanskian

Yon pwogram leson byen detaye pou tout timoun yo. Menm sa ki poko ale lekòl yo ap benefisye. N'ap telechaje pwogram aprantisaj pou pi Piti yo epi achte materyèl nesesè, Yon fason pou yo ka pi bon avan yo antre lekòl ane pwochèn.

08 10 2023 What’s App Olès

Se 4 nou jwenn lekòl pou yo. Yo pare deja pou yo antre demen lendi-a. Se nan menm lekòl Frito ak Mayson. Institut Mixte Chritian Wesley. An atandan nou jwenn yon lekòl pou lòt 4 yo. Yanskian ak Junior ap kòmanse travay yo.

07 08 2023 dyalòg avèk Olès

• Milanda pa t’ pote li twò byen. Li lakay depi samdi.
• Milanda te sot tonbe soti sou yon moto twa wou, aprè sa kawoutchou dèyè moto a te pase sou pye li. Nan menm jou a nou te mennen li nan lopital Piyon, konsa yon òtopedis te mete pye li nan bot. Entèvansyon sa te reyisi. Li genyen pou li retounen lopital la nan 4 semèn. Men daprè rezilta radyografi a tout bagay te korèk. Kounye a fòk nou tann.
• Manmi Olès malad akoz tansyon li ki twò wo, konsa li ale Pòtoprens pou li jwenn ak yon doktè. Nou espere ke movèz fwa yo pa bloke li nan wout.
• Operasyon nan je Oles yo te yon siksè. Li wè pi byen kounya. Li menm tou li gen yon randevou pou kontwòl nan 4 semèn.
• Yanskian ap pran swen tet li ak medikaman natirèl pandan l’ap tann li genyen ase lajan pou l’al wè yon doktè Sen Domeng, petèt nan mwa desanm.
• Nou vin rann nou kont ke nou te twonpe paske nou te aksepte resevwa Kerline. Manman li vivan ni Papa li tou men li andikape. Yo vle repran pitit fi yo paske yo kapab ede li.
• Nan peyi d’Ayiti, pa gen sekirite. Wout nòmal pou ale nan Kapital la (RN 1) li bloke de tanzantan akoz bandi yo. Se menm bagay la tou pou tout lòt wout yo. Tout moun ap espere ke solisyon an ap vini apati peyi etranje. Yo di ke kas ble yo ap soti nan peyi Kenya, pou yo vin retabli lòd nan peyi a nan dat 15 daout sa la.
• Se pa fasil tou pou labank yo. Gen kèk nan ti bank yo ki fè fayit. Gen lòt ki pa ouvri souvan, menm nan Okap kote Olès toujou al pran lajan likid. Sa fè kèk tan se zanmi ak pitit gason li William k’ap ede li. Se sa ki pemèt li fonksyone nan ofelina a.
• Nan Sen Jozèf tout mozayik yo fin poze. Ni sou macheskalye a ki mennen nan chanm timoun yo tou. Semèn k’ap vini la n’ap kòmanse travay nan douch ak twalèt yo. Bòs la pral enstale tiyo k’ap kondui pou jete dlo sal yo avan tout bagay.
• Kelkeswa se traktè oubyen makòn bèf rabouraj tè a te fini. Nou te plante pwa kongo ak diri. Pistach la gen pou li okipe yon espas ki mezire 6 Ekta. Gino, yon neve Olès ki te konn ede nou deja nan tan pase yo, te fè antre yon traktè, men nou poko genyen zouti (tankou yon chari pa egzanp). Eske l’ap posib pou nou ta fè yonn soti an Bèljik ?
• Nou espere resevwa nouvo timoun. Men fòk yo gen laj pou ale lekòl, nou ka di pou pi piti 3 zan.
• Nou poko achte laptop la pou Yanskian
• Tout jèn yo ki kite òfelina te resevwa 1 000 dola. Yon sèl nan yo ki pa resevwa tout lajan li mande yon avans pi devan l’ap vin prann rès la.
• Vyann vin tèlman chè, Olès ap mande eske li pa ta dwe retounen ak elvaj la avèk yon dizèn kochon.
• Djeff ak Islande dwe double klas yo.
• Oles ap fe m’ konnen nan jou k’ap vini la yo, konbyen kòb l’ap bezwen pou ane lekol la.
• Enstalasyon kouran an ak tretman dlo a ap byen fonktyone.
• Oles te achte yon ti pisin pou timoun yo.